Mission Completed (avslutta)

Informasjon om prosjektet : "Mission Completed"

​

Mission Impossible – Dead Reckoning Part One, den 7. filmen i serien, blei spelt inn på forskjellige stader i verda. I Noreg blei nokre scener spela inn i bygda Hellesylt i Stranda kommune i 2022. Her blei det gjennomført fleire spektakulære hopp av Tom Cruise frå rampen opp frå Helsetkopen med motorsykkel og fallskjerm. Ein av motorsyklane frå denne scena er plassert i eit monter i Hellesylt sentrum, til glede for turistar og besøkande. Filmen blei sleppt i 2023.

 

I 2024 blei sykkelen avduka i samband med Hellesyltdagane. I den samanhengen fekk eg ein privat førespurnad om å lage ei teikning av «hendinga» oppe ved Helsetkopen. Resultatet av teikninga skulle trykkast på koppar og T-skjorter, som skulle seljast under Hellesyltdagane.

​

Nokre element skulle vere med, men utanom det var det frie tøylar. Nedafor ser du resultatet av den kreative prosessen.

​

Element som skulle vere med:

• Helsetkopen

• Fallskjerm

• Sykkelen

• Hellesylt i Hollywood-stil

 

Element som kom til:

• Rampen/ utspringet

• Helikopteret til Tom Cruise

• Kikkertsikte

• Sju-talet (film nr. 7 i serien)

• Hellesylt kyrkje

• Hellesylt bru med fossen i sentrum

• «Mission Completed» med referanse til oppdraget og Mission Impossible

​

Bedrifta Kameleonen på Stranda fekk i oppdrag å overføre motivet /trykket på produkta som du ser nedanfor.